［大師冇點你］好似冇乜投行跟的了，可能全香港寫得最詳細。頂多睇化工股嘅大陸仔順手寫兩句。
...

［大師冇點你］好似冇乜投行跟的了，可能全香港寫得最詳細。頂多睇化工股嘅大陸仔順手寫兩句。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 唔止之前Patreon寫文提過，剛剛週末我直頭寫咗篇 四千幾字嘅文，殺死唔少腦細包。但我肯花時間寫間冇乜人知冇乜人理嘅蘇波榮舊經濟公司，都係充滿信心嘅。

2. 你只係睇乜鬼公司201舊年賺5億，前年7億，倒退三成，「唔掂喎，仆街死財演仲叫人買？」，就miss the whole point啦（當然好多人嘅「研究」就係咁研究）。舊年都仲有5億賺，能人所不能喎。至少你都留意，上半年賺1.5億，下半年賺3.5億，下半年係大反彈。

3. 咁你好粗咁計，當今年有返舊年下半年咁嘅利潤，今年純利點都有7億掛？而家36億市值，咪5倍PE左右。另計，計派息，過去十年都維持三成幾近四成，咁你計到差不多7厘息點都有

4. 當然，工業股就梗係低PE，唔通話會追上Tesla咩。但你睇返公司自己過去幾年嘅估值，咪大約知咯。2017年都7億純利啦，咁你睇下2018年隻嘢幾多錢（嗰年仲要全球股市都差）。

5. 月頭最初寫嗰時3.8，而家4.43，兩個星期17%，相當不錯啦，仲要個市係跌嘅。而家仲買唔買得？官方答案係：星期一至五九點半至四點你都買得，午飯除外。認真嘅答案？梗係留返畀Patreon讀者啦，幾時都係付費讀者優先。

6. 本人Patreon個Excel 唔止入晒以往啲數（基本動作啦），仲連啲化工產品咩價格都睇住。而家（大陸啦）三氯甲烷4000人仔一噸，舊年2000幾（公司業績有講啦）。咁你話今年業績會唔會差過舊年？

7. 循例利申，N年前在耆英證券我直頭cove間公司，去過佢地嘅廠N次，倫敦都同佢地去過兩次。但呢啲都係十年前嘅事了，近幾年已經完全冇聯絡。

8. 放心，晏啲再賣多次 嘉年華郵輪Carnival （CCL）廣告。52周新高了 。業已失，係要落力啲賣廣告架啦

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

---